موڈبیدری،11؍اکتوبر (ایس او نیوز) شیرتاڈی کے قریب مویشیوں کی  مبینہ غیر قانونی  رفت کو ناکام بنانے کے لئے پولیس نے ہوا میں گولیاں چلائیں جس کے بعد2 ملزمین   اپنی کار اور گائیں چھوڑ کر فرار ہوگئے۔

موصولہ رپورٹ کے مطابق آج صبح کے وقت شیرتاڈی کے اودال میں یہ واقعہ پیش آیا ہے۔ بتایا جاتا ہے کہ پولیس نے ایک ایسی کار کو روکنے کی کوشش کی جس کے اندر گائیں لے جائی جارہی تھیں۔ مگر کار میں موجودملزمین نے اپنی کار کو پولیس جیپ کے ساتھ ٹکرانے اور پولیس کو دھمکانے کی کوشش کی۔ پولیس انسپکٹردنیش نے اس کار کا پیچھا کیا اور ان کو روکنے کے لئے ہوا میں گولیاں چلادیں۔ اس سے گھبراکر ملزمین نے کار کوسڑک کے کنارے روکا اور موقع پر سے فرار ہوگئے۔اس کے بعدپولیس نے کار میں موجود  5 گائیں اور کار کو اپنی تحویل میں  لیتے ہوئے کیس درج کرلیا۔ مزید تحقیقات جاری ہے۔